VOV4.M’nông – Nthoi tay rơh khâl Cộng hòa Croatia, Groi Kruanh dak Võ Thị Ánh Xuân lĕ rgum nchră đah Tổng thống Croatia Zoran Milanovíc. Ta rơh rgum nchră, Groi Kruanh dak Võ Thị Ánh Xuân nkoch nău răm rhơn n’hanh lah uĕh Tổng thống Croatia lĕ an mông nar wơt Rmôt kan, mĭn lah Việt Nam uănh khlay n’hanh ŭch ntrôl tâm boh dăch dêh n’hanh way ơm kan ndrel ta âk nău kan đah 2 dak lĕ dơi ndâk njêng bah âk rach năm bah năp, rnôk Croatia hôm e mpeh tâm Liên bang Nam Tư ơm.

Tổng thống Croatia wơt na nê̆ Groi Kruanh dak Võ Thị Ánh Xuân

2 kruanh lĕ tâm ban ŭch n’hao tâm rgâl rmôt kan n’hanh mâp gưl prêh, lơn lah mpeh wăng sa-tăch rgâl-ntuh kơl kơt pơk hvi kan ndrel an du đêt nău kan khlay ngăn lah pâl nđaih, nchoăn rdêng, ntĭm nti, thể thao.

VOV.VN/Nuĭh rblang: Y Sưng Phê Ja