Ôi nđaơ (4/1), ta Hà Nội, Kiểm toán ngih dak ƀư Rƀŭn nchră mbơh ƀư nău kan n’hanh trong kan năm 2024. Ủy viên Ban chấp hành Trung ương Đảng, Groi Kruanh Quốc hội Nguyễn Đức Hải râng n’hanh ntoh ngơi ntĭm rđău. Mbơh n’glôch jêh trong kan năm 2023 n’hanh trong rƀŏng nău kan trong kan năm 2024 bah Kiểm toán ngih dak nkoch kloh, Kiểm toán ngih dak lĕ ntơm jêh lĕ rngôch trong nchrăp trong kan năm 2023 đah âk săk rnglăy ntoh lư. Nău kan kiểm toán dơi rgâl mhe tay tĭng trong way kan gay geh nău rƀŏng “Uĕh, uĕh nâp lơn n’hanh uĕh lơn tay”.

Năm 2024, gay ƀư tĭng uĕh gưl kan,  nău kan dơi jao, Kiểm toán ngih dak ƀư tĭng tay trong way ƀư “dơh yơn uĕh”, n’hŭch dŭt đêt khuch tât nău kan bah ntŭk kan dơi kiểm toán, tĭng trong kan hun hao kiểm toán ngih dak tât năm 2030 n’hanh ăp chuyên đề groi nđôi bah Quốc hội, Ủy ban thường vụ quốc hội, Kiểm toán ngih dak rgum kiểm toán mbơh trok tâm lĕ ăp N’gâng kan, ngih pah kan trung ương, n’gor n’hanh ăp rơh kiểm toán chuyên đề lam Nău kan đăp mpăn uĕh nâp.