Kêng măng 22/2, Thượng tướng Trần Quang Phương, Groi Kruanh Quốc hội hŏ tât khâl n'hanh pah kan ta Binh đoàn 12- Tổng Công ty xây dựng Trường Sơn - nhih pah kan Miền Trung gŭ kan ta n'gor Quảng Bình.

47 năm aơ, mât uĕh tay nău way ơm bah Tahen Trường Sơn, Binh đoàn 12- Nhih pah kan Miền Trung mhe ƀư jăp pah kan ra joi bom, mìn, nsiu rtoh, nkre pơk hvi n'gâng kan tăch rgâl. Nhih pah kan hŏ ƀư n'hanh lôch jêh ăp nău kan ƀư ntung trong, n'hong dak bât ta ăp ntŭk lam neh dak đăp mpăn rnoh ngăch, nâp uĕh, đăp mpăn.

Ta rơh pah kan, Groi kruanh Quốc hội Trần Quang Phương dăn đă cán bộ, tahen Binh đoàn 12 mbơh gĭt jru hvi nău dơn kan chính trị ma Quân ủy Trung ương jao an, nkre pah kan jan sa, nkre tiăr nti nchrăp tâm lơh. Aƀaơ, Đảng, Ngih dak, ƀon lan hŏ nsing nơm jao an Binh đoàn 12 tĭng ƀư 1 đêt nău kan tơm khlay gưl neh dak. Groi kruanh Quốc hội đă Binh đoàn 12 ân ƀư lôch jêh n'hanh ân ƀư wat uĕh nău kan, mô an geh nău tih khuch. Tâm rnôk dơn ƀư nău kan, ân dŭt njrăng tât nâp uĕh ndơ ƀư, ân mĭn ŭanh tât rnoh khlay jŏ jong.