Nar ntri 29/7), HĐND nkual ƀon têh Đà Nẵng ntơm pơk rơh hop n’gul năm 2024. Lah ta rơh hop, Groi kruanh Quốc hội Trần Quang Phương lah rjăp, Quốc hội hŏ uănh an dŏng Nghị quyết mpeh leo ƀư n’gâng kan đô thị n’hanh rlong du đêt trong n’glăp, trong kơl mha êng hun hao nkual ƀon têh Đà Nẵng. Nghị quyết dja geh nkô̆ dŭt khlay, njêng trong tâm di ntoh mpơl gay Đà Nẵng hun hao săk geh, dơh uĕh, đăt ndal hun hao wăng sa- rêh jêng kon nuĭh, tĭng ƀư jêng ngăn ngăn nău mĭn, rnoh tât kan Nghị quyết mbrô 43 bah Bộ Chính trị mpeh rdâk njêng n’hanh hun hao nkual ƀon têh Đà Nẵng tât năm 2030, uănh ngai tât năm 2045.

Groi kruanh Quốc hội Trần Quang Phương njrăng đă, nău leo tĭng ƀư Nghị quyết đah n’glĕ trong kơl dŭt dĭ hvi, jêng âk trong kan n’gluh ăp ntul rlong dŭt têh an nkual ƀon têh đŏng, lơn lah đah HĐND nkual ƀon têh lĕ mpeh săk tam n’gluh an dŏng siƀŭt tâm ban kơt rnoh ngăch rdâk njêng đŏng. Mpeh trong  kơl rlong an ƀư njêng Nkual tăch rgâl dah rŏng ta Đà Nẵng, Groi Kruanh Quốc hội Trần Quang Phương lah rjăp gay tĭng ƀư  ơm n’hanh n’gluh an dŏng dơi nghị quyết mbrô  43 dăn đă HĐND, ăp Ban HĐND ân lăp kan ntơm bah ơm dĭl.