Kêng măng naơ, ta Ngih kan Quốc hội, Uỷ viên Bộ Chính trị, Groi Kruanh Rnâng kan Quốc hội Trần Thanh Mẫn hŏ mâp măt rmôt kan ntoh măt rmôt nŭih mât ndơ ơm yau Việt Nam. Ntoh nau tâm nar mâp, Groi Kruanh Rnâng kan Quốc hội trần Thanh Mẫn kơp dơn, rnê prêh ăp nau tă geh bah nau kan ntoh ngăn bah rmôt nau kan ơm yau Việt Nam tâm rơh rlau aơ.

Groi Kruanh Rnâng kan Quốc hội lah rjăp nau ntrŭnh n’ho ro bah Đảng, Ngih dak nơm lah hun hao nau ơm geh nsum ma nau hun hao văng sa, geh nau mhe ndrel nau tâm ban tâm nau rêh. Ngăn lah, Luật ndơ ơm yau lah nau ntrŭnh khlay, pơk ntrong kan pháp lý gay ma mât, ƀư ueh nau khlay ndơ ơm ndrel n’hao nau săk tam mât ngih dak, n’hao nau kan bah ƀon lan tâm nau râng mât ndrel ƀư ueh nau khlay ndơ ơm yau./.