Di nkah 8/3, ta Bảo tàng Mỹ thuật Việt Nam, Groi Kruanh dak Võ Thị Ánh Xuân mâp măt ndrel jă ngêt sa đah ăp nŭih ntoh măt, Kruanh ntoh măt bah ăp ntŭk kan bah dak ba dih ta Việt Nam. Ntoh nau tâm nar mâp măt, Groi Kruanh dak Võ Thị Ánh Xuân lah rjăp, Việt Nam mro uănh khlay nau ƀư nâp ndrel n’hao lơn tay nau tâm boh tâm ban, tâm boh ndrel geh nau dơi đah ăp dak, ăp ntŭk kan bah lam ntur neh, tâm nê geh ăp dak, ăp ntŭk kan bah lam ntur neh ma ăp ntoh măt, Kruanh ntoh măt bah ăp ntŭk kan bah lam ntur neh ntoh măt. Rnôk aơ, ntoh măt Ngih dak ndrel ƀon lan Việt Nam, ăp ntŭk kan bah lam ntur neh kơl an, tâm boh ndrel tâm kơl an ân Việt Nam tâm rơh rlau aơ.

Nkre ŭch lŏ ntrŭt dăng nau tâm boh đah ăp dak, ăp ntŭk kan lam ntur neh lăp tâm nau jru, ngăn, săk tam bah ăp nau kan. Ntoh măt ăp rmôt kan, Kruanh nŭih kan ntoh măt bah ăp dak lam ntur neh ta Việt Nam, wa Samina Naz, Nŭih ntoh măt bah Bangladesh ta Việt Nam mbơh, pă nau dơi ân bu ur ndrel kon se bu ur lah nau kan nsum. Nar bu ur lam ntur neh lah rnôk gay ăp dak uănh tay ăp nau ton aơ, kŏ kơt lah ăp nau geh, nau ntul rlong bah ăp nau kan bah năp./.