Kêng măng 22/12, ta ntŭk kan Chính phủ, Groi Thủ tướng Trần Hồng ƀư tơm nar rƀŭn bah Hội đồng thẩm định Rgum nkuăl Đồng bằng sông Hồng lvang năm 2021-2030, rƀŏng tât năm 2050. Tĭng nau mbơh bah N’gâng kan nchrăp kan ndrel Ntuh ntuh kơl, rgum tât năm 2030, nkuăl Đồng bằng sông Hồng hun hao ngăch, nâp nala, geh nau kan văng sa tâm di, geh tât ăp nau kan văn hoá ăp rnoi, rgum hun hao công nghiệp, nau kan mhe ndrel tuch tăm prêh mhe, hữu cơ, ndrih, ueh geh ăp nau kan văng sa khlay.

Jêng ntŭk tơm kan ntĭm nti nŭih kan blau mhe, nŭih kan mrô bah lam dak, leo bôk mpeh nau kan hun hao khoa học, công nghệ, rgâl blau mhe, ntrơn rgâl mrô, văng sa mrô, nau rêh mrô, geh ntrong kan văng sa, rêh jêng tâm ban, ntŭk gŭ mhe, geh nau dơi tâm nthoi prêh. Lôch nar rƀŭn, Groi Thủ tướng Trần Hồng Hà đă: Nau rgum ân ƀư kloh lơn tay nau hun hao rgum nkuăl, nau săk geh văng sa tơm khlay, nau geh tơm bah nkuăl, tă bah nê mơ dơi ndâk nau rgum geh ăp ntil bah nkual, geh nau ueh, ntrŭt dăng nau hun hao bah nkuăl geh nsum ma nau dơi văng sa, chính trị tâm lam dak./.