Kêng măng 3/3, tâm rơh râng Tâm nchră Bộ trưởng mpeh dak mô n'gluh n'huk djơh châu Á ta Tokyo, Nhật Bản, Groi Thủ tướng Chính phủ Trần Hồng Hà hŏ ôp srĭng nău Kruanh Hạ viện Hosoda Hiroyuki, mâp Kruanh Liên minh Nghị sĩ hữu nghị Nhật-Việt Nikai Toshihiro n'hanh wơt Bộ trưởng Kinh tế, Thương mại n'hanh Công nghiệp Nishimura Yasutoshi n'hanh du đêt Nghị sĩ Đảng Dân chủ Tự do tâm trong kan mât ntŭk gŭ rêh neh ntu. 

Ta rơh ôp srĭng nău Kruanh Hạ viện, Groi Thủ tướng Trần Hồng Hà rnê âk nău hun hao uĕh lăng ta ăp trong kan tâm boh têh jong jru hvi Việt Nam- Nhật Bản, dăn đă Kruanh Hạ viện Hosoda n'hao âk rơh mâp gưl têh n'hanh ăp gưl đah Chính phủ, Quốc hội, ăp nghị sỹ mom bar dak; ntrŭt ntrôl Chính phủ Nhật Bản ntop kơl Việt Nam tâm hun hao ndơ dŏng ntung trong têh khlay, hun hao tơm nuĭh kan, rgâl ŭnh nar mhe tâm ban kơt n'hao dăng tâm boh tâm ăp trong kan gŭ mĭn khoa học, ndơ̆ rgâl công nghệ n'hanh rgop tâm nău hun hao jŏ jong.