Kêng măng 4/8, Groi Thủ tướng Trần Lưu Quang ndrel rmôt hăn kan bah Trung ương hŏ mêt uănh nau rklaih khuch yor dak lip tâm xã Mường Pồn, nkuăl Điện Biên, n’gor Điện Biên. Bah nau kan mêt uănh, Groi Thủ tướng đă rđau kan n’gor Điện Biên, ăp ntŭk kan geh tât ndrel rmôt tahen bah n’gor ntrŭt dăng ngăch lơn tay nau rklaih nau khuch, ơm pă ntŭk gay ma ndâk ntŭk gŭ, đăp mpăn nau rêh ân ƀon lan tâm nkuăl geh dak lip, rlu neh.

Ntrŭt dăng nau nkoch trêng ndrel nsôih ntrơn leo ntŭk êng đah ăp rnăk mra geh rluh neh tât gay đăp mpăn nau rêh, drăp ndơ ân ƀon lan. Jêh mih dak lip, ân geh n’hao nau ƀư nau kan dak si, gay mât đăpmpăn n’hâm soan ân ƀon lan, ngăn lah đah bu ranh ndrel kon se. Groi Thủ tướng kŏ đă UBND nkuăl Điện Biên kơl an, rklaih lơi ăp neh tuch tăm bah ƀon lan geh khuch, ntrơn rgâl tơm tăm gay ƀon lan geh dơi hun hao văng sa./.