Ôi 24/11, Cục Cảnh sát ôp uănh nău tih mpeh ma túy, Bộ Công an ƀư lễ dơn siƀŭt nkhôm rnê bah Thủ tướng Chính phủ n’hanh ndơ̆ ndơ nkhôm rnê geh nău dơi ngăch prăl tâm njrăng, n’gang nuĭh tih ma túy. Tâm bah ri aơ, nô nău tih ma túy nha hôm duh hô ta lĕ rngôch ăp ntŭk rgum tơm đŏng kơt Đông Bắc, Tây Bắc, Bắc miền Trung - Tây Nguyên, Tây Nam, trong dak lêng, trong trôk.

Lôch pah kan rƀah gĭt nău lư, grêt dăch ntŭk lơh, grêt dăch ntŭk rlăch ndăng đah ăp trong tăch rvăt, nchuăn rdeng mô geh nău way ma túy rloh rlău neh dak, rloh rlău n’gor  mpôl Cảnh sát ma túy hŏ ôp uănh, lơh chrai âk rơh ma túy têh. Lah ta rơh lễ, Groi Thủ tướng Trần Lưu Quang mbah rhơn ăp nău dơi, nău nsrôih bah mpôl Cảnh sát ma túy hŏ dơi geh tâm bah ri aơ. Groi Thủ tướng dăn  đă mpôl Cảnh sát njrăng n’gang ma túy ƀư n’gâng tơm pah kan rnâng kan, nsŏng kơl, ntĭm nti, ntrŭt ntrôl ủy ban nhân dân gưl n’gor mbơh Hội đồng nhân dân n’gluh an dŏng trong ntop kơl prăk an pah kan njrăng, n’gang ma túy.