Ôi lơ 27/2, ta Geneva, Thuỵ sĩ, Groi Thủ tướng Chính phủ Trần Lưu Quang leo bôk rmôt kan ntoh măt bah Việt Nam râng ntơm rƀŭn ndrel ntoh nau tâm rơh rƀŭn gưl prêh rơh rƀŭn vay ăp rơh tal 52 bah Hội đồng nhân quyền Liên hợp quốc. Ntoh nau tâm rơh rƀŭn gưl prêh, Groi Thủ tướng Chính phủ Trần Lưu Quang lah rjăp Nau ton nau dơi kon nŭih bah lam ntur neh ndrel nau ton ndrel Bôk nau ƀư nau kan Vienna mpeh nau dơi kon nŭih lah ăp nau nchâp đă ƀư nâp gay ma nsum mpôl lam ntur neh n’hao nau gĭt ndrel nau kan gay ma ntrŭt dăng n’hanh mât nau dơi kon nŭih hŏ tă geh dơi ăp nau khlay bah âk rach năm.

Groi Thủ tướng Trần Lưu Quang lah rjăp nau kan bah Việt Nam rnôk râng Hội đồng Nhân quyền lah: Ryơk ndrel gĭt rbăng. Tâm nchră ndrel tâm boh. Ăp nau dơi bah kon nŭih ân dĭng lĕ ăp nŭih”. Groi Thủ tướng lah rjăp nau gay geh kơl an rgum ƀư Bôk nau rƀŭn nchră 2030 mpeh nau hun hao nâp nâp bah Liên hợp quốc ndrel nau ton mpeh nau dơi rdâng đah rgâl mhe trôk nar./.