Tĭng nău mbơh bah N’gâng kan Nội vụ, ƀư tĭng Nghị quyết mrô 18, 19 bah Trung ương mpeh rgâl mhe dăp n’gâng kan bah trong chính trị, bah năm 2021 tât aƀaơ, lĕ hŭch 17 tổng cục n’hanh rmôt kan tâm ban; hŭch 8 cục mpeh tâm tổng cục n’hanh mpeh tâm n’gâng kan bah lơ; hŭch 7 n’gâng kan bah dâng n’hanh rlău 2.100 jrô mpeh tâm UBND gưl n’gor, gưl nkuăl; hŭch bơi 7.500 ntŭk kan sự nghiệp công lập, geh 13,5% nkôp đah năm 2016.

Tât lĕ năm 2021, lôch jêh rlău rnoh an ƀư n’hŭch biên chế (đah rmôt công chức lah 10% n’hanh rmôt ntŭk kan sự nghiệp công lập lah 11,6% viên chức sa prăk khay bah tơm prăk ngih dak). N’glôn jêh nar pah kan, Groi thủ tướng Chính phủ Trần Lưu Quang kơp dơn, uănh lah prêh ăp săk rnglăy ma N’gâng kan Nội vụ lĕ dơi geh bah jêh Đại hội 13 bah Đảng tât aƀaơ. Mpeh du đêt dăn đă bah N’gâng kan Nội vụ, tâm nĕ geh nău Chính phủ ơm geh nău rgop mpeh bôk nău an tâm nchră rgâl mhe dăp tay ntŭk kan sự nghiệp công lập n’hanh pleh rgâl du đêt viên chức jêng công chức.