Kêng măng ntri (20/12). Groi Thủ tướng Trần Lưu Quang râng n’hanh geh nău rđău đă ta rnôk tâm nchră pơk sŏng dăng lam dak n’glôch jêh pah kan năm 2023 n’hanh an ƀư nău dơn kan năm 2024 bah n’gâng kan Nội vụ.

 Tĭng nău mbơh bah Bộ Nội vụ, tĭng ƀư dăp rgum nuĭh kan ngih dak n’hanh dăp rgum tay ăp nhih pah kan ngih dak, ăp n’gor hŏ hŭch 13 sở n’hanh nhih pah kan mpeh UBND n’gor; hŭch rlău 2.500 jrô kan n’hanh tâm ban nê mpeh nhih pah kan rnâng kan UBND n’gor, nkuâl; nkre, ôp uănh, dăp rgum tay nhih pah kan, kơp tât lĕ năm 2023 n’hanh hŏ hŭch rlău 7.800 đơn vị n’gâng kan. Lah ta rnôk tâm nchră, Groi Thủ tướng Trần Lưu Quang nchih nkah, uănh năl ăp nău nsrôih, nău dơn kan bah nsum mpôl kruanh rđău  kan, cán bộ, công chức, viên chức, nuĭh kan n’hanh lôch jêh geh bah lam n’gâng kan nội vụ tâm năm 2023. Tâm nê geh âk trong kan jêr, mô nănh gŏ lơh./.