Ôi 15/2, ta Hà Nội ƀư rgum nchră wăng sa Việt Nam – Nhật Bản 2023. Nău ƀư tă bah Liên đoàn Thương mại n'hanh Công nghiệp Việt Nam (VCCI) n'hanh Jrô kan tăch rgâl n'hanh Công nghiệp Nhật Bản kan nsum ƀư. Nar tâm nchră geh nkô̆ khlay ngăn ngăn nkah ndray 50 năm njêng tâm boh Việt Nam – Nhật Bản, ntơm pơk an ăp rêng kan tâm boh doanh nghiệp 2 dak tă bah VCCI kan nsum đah ăp băl tâm boh Nhật Bản mbra ƀư tâm năm aơ.

Lah ta rơh rgum nchră, Groi Thủ tướng Trần Lưu Quang lah rjăp, bar dak hôm geh dŭt âk săk geh tâm boh, tâm kơl nsum, rƀŏng tât 50 năm njêng tâm boh, bar ding mbra ndrel nsum suan rgop gay tâm boh bar dak mbra nsĭt geh âk nău dơi têh kuâng lơn tâm trong kan wăng sa. Let năp tay, bar dak Việt Nam- Nhật Bản ân ntrôl dăng tay tâm boh ntuh kơl, lơn lah tâm trong kan công nghiệp têh khlay.