Ƀư tĭng nau ntrŭnh bah Chính phủ mpeh nau jao Khu công nghệ prêh Hoà Lạc tâm nau mât bah Bộ khoa học ndrel Công nghệ mpeh UBND nkuăl ƀon têh Hà Nội, lơ 24/11, ta nkuăl Công nghệ prêh Hoà Lạc geh ƀư nau jao Khu công nghệ prêh Hoà Lạc tă bah Bộ khoa học ndrel Công nghệ ân UBND nkuăl ƀon têh Hà Nội mât. Ntoh nau tâm nar rƀŭn, Groi Thủ tướng Trần Lưu Quang rnê prêh ăp nau nsôih bah Bộ khoa học ndrel Công nghệ, Rnâng kan mât nkuăl Công nghệ prêh Hoà Lạc, UBND nkuăl ƀon têh Hà Nội ndrel ăp n’gâng kan, ntŭk kan hŏ nsum n’hâm ndâk nkuăl công nghệ prêh Hoà Lạc hun hao kơt nar aơ.

Groi Thủ tướng đă UBND nkuăl ƀon têh Hà Nội jêh rnôk ndơn mât nkuăl công nghệ prêh Hoà Lạc ân geh đăp mpăn kơt tĭng ndrel ƀư ueh ăp nau tă dơi geh tâm rnôk ndâk ndrel hun hao ntơm bah rnôk ndâk tât rnôk aơ, đăp mpăn nâp nâl, mô dơi nkol tâm nau ndâk, hun hao ndrel mât nkuăl công nghệ prêh Hoà Lạc nkre nkuăl ƀon têh ân rgum gay n’hâm êng tă bah tơm prăk nkuăl ƀon têh ndrel ăp ntŭk êng gay ma ndâk hun hao nkuăl công nghệ prêh Hoà Lạc./.