Vơt rhơn wa Marisa Lago tât khâl Việt Nam, groi Thủ tướng Trần Lưu Quang lah na nê̆, Việt Nam ŭch ntrôl nău tâm boh kan đah bar dak ăp nar lơ ma na nê̆ lơn, lĕ rngôch lơn.

Groi Thủ tướng dăn đă groi kruanh n’gâng kan tăch rgâl Hoa Kỳ Marisa Lago kơl tâm rgop đah ăp nuĭh ntuh kơl Mỹ, ngăn lah tâm ăp trong kan công nghệ mhe, pah kan công nghệ hàng không tât ntuh kơl ta Việt Nam, dăn đă bar dak mbra dơi uănh n’hêl tâm kơl tâm ăp nău pah kan mbơh nău kan, mbơh nău mhe, nău kơl an geh tât ntrôl rgâl mhe rnoh mbrô, n’hao nău dơi kan n’hanh nău blău kan an mpôl pah kan lĕ ta trong kan nsum n’hanh nău kan êng. Groi Thủ tướng lah na nê̆ bra leo kan tâm kơl đah Hoa Kỳ gay ma doh rklaih ăp nău mât uănh bâh lĕ bar dak, mât ueh nău tâm boh kan tăch rgâl đăp mpăn, mpŏn tât nău tăch rgâl an tâm ban, nâp nâl, ndrel geh di.