Ta Nhih pah kan Chính phủ, Groi Thủ tướng Trần Lưu Quang hŏ wơt Bộ trưởng Bộ Thông tin, Văn hóa n’hanh Pâl nđaih Lào Suansavanh Viyaketh dôl geh hăn khâl Việt Nam nkhêp geh Pơh Văn hóa Lào ta Việt Nam năm 2023. Groi Thủ tướng rnê âk lôch jêh tâm boh đah Bộ Văn hóa, Thể thao n’hanh Pâl nđaih Việt Nam n’hanh Bộ Thông tin, Văn hóa n’hanh Pâl nđaih Lào, lơn lah tâm nău ƀư ăp nău kan văn hóa, tâm nđŭr ƀon lan.

Groi Thủ tướng Trần Lưu Quang dăn đă bar bộ an ƀư geh nău tam trong nchrăp tâm boh Văn hóa, Pâl nđaih lvang năm 2021-2025 hŏ ký ton; gŭ mĭn, an ƀư ăp trong ntrŭt ntrôl tâm boh pâl nđaih đah bar dak; kan nsum lhăt tâm nău  ƀư ăp nău kan bah nsum mpôl văn hóa-rêh jêng kon nuĭh tâm năm Lào ƀư kruanh ASEAN; kan nsum lhăt tâm nău an ƀư ăp trong nchrăp kan tâm nău  kan văn hóa, thể thao n’hanh pâl nđaih bah Việt Nam ta Lào.