Lơ 1/8, ta nkual ƀon têh Đà Lạt, n’gor Lâm Đồng ƀư Rƀŭn nchră tăch rgâl boăt nthoi tăch n’gluh ndoh ndơ nkual Tây Nguyên đah doanh nghiệp Hàn Quốc. Rƀŭn nchră wăch rgum rlău 100 doanh nghiệp râng.

Ta aơ, jêh tâm mâp kan ndrel na nê̆, mĭn joi gĭt nu nău, tâm rgâl ăp nău ŭch n’hanh tŏng ăp mpeh nău ŭch n’hanh nău dơi tăch n’gluh ndoh ndơ, 18 doanh nghiệp Hàn Quốc lĕ ký 42 sam ƀŭt nkah gĭt kan ndrel pă an n’hanh tăch ndơ đah ăp doanh nghiệp nkual Tây Nguyên. Tâm nĕ, dŭt âk lah ăp ndoh ndơ ntĭt mpơl êng bah nkual kơt cà phê, grăp mắc ca, play, biăp bum ăp ntil... Jêh rnôk ký ton kan ndrel pă an n’hanh tăch ndơ. Wa Trần Hải Linh, Ủy viên Ủy ban Trung ương Mặt trần Tổ quốc Việt Nam, Kruanh Hiệp hội Doanh nghiệp gay ntop kơl an nău ntrŭt ngăch ntuh kơl n’hanh kan ndrel Việt-Hàn nar lơ hăn jru săk rnglăy.