Ôi 30/7, ta rơh rƀŭn 20 (chuyên đề) năm kan 2021-2026, HĐND n’gor Gia Lai khóa 12 lĕ mbơh an nghị quyết tâm ban ŭch nău ntrŭnh rgum lăp nsum du đêt ntŭk kan hành chính gưl xă n’hanh gưl nkuăl lvang 2023-2025. ta rƀŭn, ăp đại biểu lĕ tâm nchră n’hanh nsơr ty mbơh an nghị quyết tâm ban ŭch nău ntrŭnh rgum lăp nsum nkuăl Đăk Pơ n’hanh nkual têh An Khê bah kơi năm 2030, nkual têh An Khê.

Đah ăp gưl xă, ta nkual ƀon têh Pleiku, tâm ban ŭch nău ntrŭnh rgum lăp nsum xă Tân Sơn lăp xă Biển Hồ, ndâk ƀư ntŭk kan hành chính mhe lah xă Biển Hồ. Ta nkuăl Kbang, tâm ban ŭch nău ntrŭnh rgâl n’har neh hành chính, trơn ƀon Lợtk (aƀaơ mpeh tâm xă Đăk Hlơ) lăp xă Nghĩa An n’hanh nglăp hôm ƀa ƀă bah xă Đăk Hlơ lăp xă Kông Bơ La, ndâk ƀư ntŭk kan hành chính lah xă Kông Bơ La. Jêh rơh rbŭn, n’gor Gia Lai mbra lôch jêh ăp sam ƀŭt njuăl gưl dơi mkra uănh mĭn tay, ntrŭnh an.