Ta rơh rƀŭn nchră, nuĭh leo kan ăp ntŭk kan, n’gâng kan lĕ tâm mbơh nău, mbơh rblang, geh gĭt du đê̆ nkô̆ nău khlăy geh tât ăp trong kan mât đăp mpăn nău mpŏng hun hao wăng sa geh 6-6,8%, nău geh tơm prăk ngih dak geh 8.500 rmen prăk tâm năm 2024.

Ăp trong kan gay ma hun hao doanh nghiệp, nta nău dơh nơih gay ma ntrôl nău pah kan jan sa, tăch rgâl, an geh âk ntuh kơl gay ma pă nău kan, geh âk nuĭh kan blău, jăp, trong kan gay ma dơi geh nkô̆ mpŏng rdâk njêng nkual ƀon lan mhe năm 2024, trong kan gay ma mât uănh, mât bri n’hanh n’hao rnoh nkŭm n’hâm bâh bri tâm let năp tay. Ta rơh rƀŭn nchră, HĐND n’gor Dak Lak lĕ tâm ban ŭch mbơh tơih 36 Nghị quyết n’hanh quyết nghị âk nkô̆ nău khlăy êng, njêng nău kan pháp lý, nău nsrôih gay ma hun hao wăng sa- rêh jêng tâm năm 2024 n’hanh lvang năm 2021-2025.