rơh rƀŭn rơh tal 15, HĐND n’gor n’gor Gia Lai lĕ mbơh săk rnglăy nkăch phiếu nsing nơm đah 27 nuĭh mât ƀư gưl kan ta HĐND n’gor n’hanh UBND n’gor dơi HĐND n’gor săch. Na nê̆, mpeh HĐND, ăp nuĭh dơi nklăch phiếu nsing nơm lah Kruanh n’hanh 2 groi Kruanh HĐND, ndrel 4 kruanh ban. Mpeh UBND n’gor, Kruanh UBND n’gor, ndrel 1 groi Kruanh, 25 nuĭh UBND n’gor lah ăp Giám đốc n’gâng kan n’gor n’hanh ăp kruanh ban.

Săk rnglăy an saơ, geh 21/27 nuĭh dơi nklăch phiếu nsing nơm âk rlău 50%. Tâm nĕ, wa Hồ Văn Niên-Bí thư N’gor ủy, Kruanh UBND n’gor Gia Lai geh rnoh phiếu nsing nơm âk ngăn lah 62/64 phiếu. Mô geh đại biểu geh rnoh phiếu nsing nơm đêt ir 2/3 dĭng lĕ rnoh phiếu. Ta rơh rƀŭn aơ đŏng, HĐND n’gor Gia Lai lĕ uănh mĭn tay dăn đă n’hanh mbơh an sam ƀŭt an wa Hồ Văn Điềm-Ủy ban thường vụ N’gor ủy, Kruanh MTTQ Việt Nam n’gor, Ủy viên Ban Kinh tế-Ngân sách Hội đồng nhân dân n’gor, đại biểu HĐND n’gor Gia Lai rlu ƀư nău kan đại biểu HĐND n’gor.