VOV4.M’nông- Ôi nar 11/10, HĐND nkuăl ƀon têh Hồ Chí Minh khóa 10 ƀư rơh rƀŭn nchră tal 7 rơh rƀŭn nchră bôk nău kan gay ma uănh n’hêl, ntrŭnh mbơh du đê̆ nkô̆ nău bâh nău dơi kan, geh nău kan ndal khlăy gay ma ƀư tĭng ueh nău kan hun hao wăng sa- rêh jêng năm 2022 n’hanh ăp năm let năp tay.

Ta rơh rƀŭn nchră aơ, HĐND nkuăl ƀon têh Hồ Chí Minh an tâm rgop, nchră nău gay ma uănh n’hêl mbơh 13 nău nchrăp nghị quyết: kơt lah: nău kơl way ơm geh kơl prăk nti an oh kon hoc mầm non, kon hoc, ntrŭnh rnoh prăk nti năm 2022-2023 n’hanh ăp năm let năp tay ta ntŭk; nău ntrŭnh ntuh kơl, ntrŭnh rgâl mhe nău ntuh kơl ăp nău nchrăp kan ntuh kơl nsum, nău nchrăp rgâl mhe ntuh kơl gleh nar lvang năm 2021-2025 n’hanh năm 2022, rgâl mhe nău nchrăp tơm prăk ngih dak năm 2022. Ta rơh rƀŭn nchră bôk nău kan aơ, ăp đại biểu lĕ HĐND nkuăl ƀon têh lĕ săch wa Bùi Xuân Cường, kruanh rnâng kan mât uănh trong loih nkuăl ƀon têh Hồ Chí Minh ƀư groi kruanh UBND nkuăl ƀon têh Hồ Chí Minh, năm kan 2021-2026.

VOV/Nuĭh rblang: Thị Đoắt