Ôi (6/3), ta thủ đô Vientiane, Kruanh Hội đồng Dân tộc Quốc hội Việt Nam Y Thanh Hà Niê Kđăm geh rơh pah kan đah Kruanh Ủy ban Dân tộc Quốc hội Lào Khamchan Sotapasuerd gay ntik uĕh nău tâm boh, n'hao dăng tâm boh đah bar nhih pah kan bah Quốc hội bar dak.

Ta rơh pah kan, bar ding hŏ ndrel ŭanh năl, tâm ôp mpeh tâm boh đah bar dak, bar Quốc hội tâm bah ri aơ. Lôch jêh rơh pah kan, bar ding ndrel ký ton tâm boh đah Hội đồng Dân tộc Quốc hội Việt Nam n'hanh Ủy ban Dân tộc Quốc hội Lào. Tâm nê, tâm ban ŭch kan nsum tay lhăt, n'hao âk tâm ôp nău lư, nău tă ơm gĭt kan geh tât nău dơn kan, nău dơi kan bah ăp ding; tâm ôp, tâm rgâl nău lư mpeh jêh geh groi nđôi, ôp ŭanh, tĭng ƀư trong kơl, trong nchrăp ăp trong hun hao wăng sa- rêh jêng kon nuĭh nkual rnoi mpôl đê̆, mpeh yôk yang; kan nsum ƀư ăp rơh tâm nchră way nkô̆.