Hội khỏe Phù đổng n’gor Gia Lai rơh tal 11 năm 2023 lĕ ntơm ƀư kêng măng 17/12 ta nkual ƀon têh Pleiku. Ƀư tât nar 23/12, Hội khỏe Phù đổng n’gor Gia Lai rơh aơ wăch rgum rlău 3.100 nuĭh tâm rlong bah 69 rmôt tât bah ăp nkuăl, nkual têh, nkual ƀon têh n’hanh ăp ngih sam ƀŭt Trung học phổ thông ta lam n’gor. Ăp nuĭh tâm rlong ta 3 hệ: tiểu học đah 4 môn tâm rlong, Trung học cơ sở đah 12 môn n’hanh Trung học phổ thông đah 11 môn.

Ăp môn tâm rlong geh: re dak, bóng bàn, pah play, chưng play, cầu lông, cờ vua, ntrôl mâng, điền kinh, karate, Vovinam, Taekwondo, dô̆t rse. Ntoh ngơi ta ntơm ƀư, Giám đốc N’gâng kan ntĭm nti, Kruanh mpôl rdâk ƀư Hội khỏe Phù đổng n’gor Gia Lai Lê Duy Định lah rjăp: “Hội khỏe Phù đổng lah gưl prêh bah ntrong leo thể thao bah druh ndăm kon hŏk, aơ lah nău ƀư ntĭm nti gay hun hao săk jăn, n’hao n’hâm soan, rgop lôch uĕh nău rêh, ƀư săk rnglăy nău rƀŏng ntĭm nti lĕ rngôch an kon hŏk”.