Nar 13/12, ta Văn phòng UBND n’gor Bà Rịa-Vũng Tàu, Groi Thủ tướng Chính phủ Trần Lưu Quang ƀư tơm rơh hop tâl 8 Ban rđău  đă gưl neh dak mpeh njrăng n’gang lơh joi tui ka dak lêng mô geh nău way mô mbơh n’hanh mô tĭng di quy định (IUU). Tâm nchră dơi pơk sŏng dăng tât nhih pah kan UBND 28 n’gor, nkual ƀon têh meng dak lêng n’hanh ăp n’gâng kan geh tât.

Lah ta rơh hop, Groi Thủ tướng Chính phủ Trần Lưu Quang lah rjăp, nău tât khuch bah nău mô dơi droh “Thẻ vàng” EC n’hanh lah geh “Thẻ đỏ” ri mô dơn khuch khat mpeh wăng sa ma hôm ƀư nău nsing nơm bah Việt Nam geh hŭch âk đŏng,  n’gâng kan tui ka  mbra tâm rdâng đah geh ma nău tâm ban kơt "thẻ vàng" ta ăp ntŭk tăch rgâl bah dih EU. Groi Thủ tướng đă ăp mpôl kan dơi kan chấp pháp ta dak lêng n’hao âk tơ̆ rsong hăn, mât uănh lhăt, gay mô an geh du bôk duk lơh joi ka hăn tih dak lêng dak bah dih. Bộ Công an ndăn ngăch hăn ôp uănh, ntrŏng năl ăp nău tih geh tât nău tih năl di tơm luh tui ka; ƀoi tĭng tay ăp nuĭh ndranh njŭn leo duk lơh joi ka, nuĭh ƀon lan lơh joi ka Việt Nam hăn lơh joi tui ka mô geh nău way ta dak lêng dak bah dih./.