Tâm rnôk Bôk nau kan tâm n’ur tâm boh neh dak nkual n’har bri Việt Nam-Lào-Campuchia tal I, Rmôt hăn kan bah N’gâng kan neh dak Việt Nam yor Thiếu tướng Hoàng Hữu Chiến, Groi Rđau kan, Kruanh n’gâng kan rđau tahen Biên phòng Việt Nam ƀư tơm rmôt kan hŏ jao ngih ndâk ntŭk kan Đại đội mât nkual n’har bri 541 ân N’gâng kan rđau tahen n’gor Attapư.

Aơ lah ngoai tâm ăp ntŭk kan bah N’gâng kan neh dak Việt Nam pă ân n’gâng kan neh dak Lào đah nau ŭch tâm dăch ndrel tahen ƀon lan Lào lah nsum, rmôt mât, njrăng nkual n’har bri Lào lah êng ndâk trong n’har bar dak tâm boh, hun hao nâp nâl. Tâm rnôk kan, N’gâng kan Quân y hŏ tâm grop nsum ma Ngih dak si 87 tâm N’gâng kan Hậu cần N’gâng kan neh dak ƀư khám săm ji, pă dak si mô roh prăk ân nklăp 700 nŭih ƀon lan tâm nkuăl Phu-vông ndrel nkuăl Xản-xây, n’gor Attapư./.