Kiểm toán ntĭm âk nău tih ta nău nchrăp ƀư dak bât têh ngăn Dak Lak
Thứ tư, 14:25, 22/02/2023
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV4.M'nông - Tĭng nău mbơh n’glôn jêh kiểm toán mrô 143, Kiểm toán Ngih dak nkual 12 lĕ ntĭm âk nău tih geh tât nău nchrăp ƀư dak bât Krông Pách thượng, mbơh ƀư ta n’gor Dak Lak.
Tĭng nĕ, rlău 2.860 ha neh nkual ƀư nău nchrăp mô hŏ dơi UBND n’gor Dak Lak an nuĭh ntuh kơl rgâl nău ŭch dŏng neh bah neh lŏ mir an neh mô hôm lŏ mir gay ndâk ƀư nău nchrăp kan. Nău aơ mô tâm di đah Luật Neh ntu. Dĭng lĕ rnoh neh bri an rgâl lah 432 ha yơn aƀaơ hôm e 383 ha mô hŏ dơi gưl dơi mkra an rgâl lah mô tâm di đah Luật mât njrăng n’hanh hun hao bri, Luật lâm nghiệp.
Kiểm toán Ngih dak ntĭm đŏng âk nău tih tâm trong kan trok neh, ntop kơl n’hanh ntŭk gŭ mhe ta nău nchrăp ƀư. Bah nĕ, Kiểm toán Ngih dak nkual 12 đă rmal đah prăk kaih dĭng lĕ bơi 36 rmen prăk. Tâm nĕ, sŏk ndơ̆ an tơm prăk ngih dak bơi 52 rkeh prăk; hŭch trok an rlău 17 rmen prăk; hŭch rnoh khlay tâm ton hôm e rlău 18 rmen prăk.
Viết bình luận