Nthoi tay rơh hop tâl 28, ôi 18/12, ta nâm nău ƀư tơm bah Kruanh Quốc hội Vương Đình Huệ, Uỷ ban Thường vụ Quốc hội hŏ tâm ban ŭch kơi ntop 4 trong nchrăp luật tâm bôk nău kan rdâk njêng luật, pháp lệnh năm 2024. Ăp nuĭh kan tâm Uỷ ban Thường vụ Quốc hội ŭch đah nău khlay rgâl nkra ăp trong nchrăp kan: Luật Njrăng, n’gang tăch rvăt nuĭh (rgâl nkra); Luật sŏk soăy rnoh khlay kơi ntop hao tay (rgâl nkra); Luật Hóa chất (rgâl nkra); Luật mât, dŏng ndrak nsiu, ndơ rtoh n’hanh ndơ rnă săk (rgâl nkra).

Hồ sơ hŏ dơi nchrăp  ăp tŏng, di quy định. Kruanh Quốc hội Vương Đình Huệ an lah: ăp nkô̆ bah trong nchrăp kan Luật ân tâm di đah Luật n’gluh an dŏng siƀŭt quy phạm pháp luật. Ăp nghị quyết mpeh bôk nău kan rdâk njêng luật, pháp lệnh ân quy định kloh tâm rnôk gŭ mĭn, lôch jêh rdâk njêng luật. Đah nău nkhêp geh ntoh mhe mô  lah geh rgâl nkra, kơi ntop trong kơl, ân uănh năl nău tât khuch na nê̆. Kruanh Quốc hội njrăng đă ăp n’gâng kan, tâm nê geh Bộ Tư pháp nsŏng kơl đah Chính phủ ân lơi ir ăp trong nchrăp kan hao mbơh dăn Uỷ ban TVQH mĭn uănh, n’glêh an kơi ntop tâm bôk nău kan./.