VOV4.M’nông – Tâm 2 nar 10 n’hanh 11/10 ta nkuăl Tu Mơ Rông, n’gor Kon Tum mih têh. Njrăng geh dak lip  têh n’hanh pĭch rlâm neh, nkuăl Tu Mơ Rông an kon hŏk rlu nti gay đăp mpăn. Na nê̆, UBND nkuăl Tu Mơ Rông đă jrô kan ntĭm nti mbơh an kon hŏk rlu nti bah nar 11/10 n’hanh knŭng an kon hŏk plơ̆ tay ngih sam ƀŭt lĕ đăp mpăn.

Kon hŏk nkưal Tu Mơ Rông plơ̆ tay ngih samƀŭt jêh phŭt mrô 4-Noru

Wa An Văn Sáu, Kruanh jrô kan ntĭm nti nkuăl Tu Mơ Rông an gĭt, Jrô lan lĕ ngăch mbơh tât 25 ngih sam ƀŭt ta lam nkuăl n’hanh geh 8.224 kon hŏk ăp gưl nti lĕ rlu nti gŭ ta jay gay njrăng dêr mih dak lip. Ban giám hiệu, nai ăp ngih samƀŭt lĕ ntĭm ăp oh kon hŏk ƀư tĭng du đêt trong đăp mpăn gay njrăng dêr mih dak lip, pĭch rlâm neh tâm nar gŭ ta jay, kơt: Mô hăn kơh dak me, dak diăng, pâl ndar ka, joi long; Dêr hăn rlău rbông dak bât rnôk geh mih têh, ăp ntŭk pĭch rlâm neh.

VOV Tây Nguyên/Nuĭh rblang: Y Sưng Phê Ja