N’gor Kon Tum ntrŭnh nau nchrăp rnôk năm nti mhe 2024-2025 đah nau nti mầm non, ntĭm nti phổ thông ndrel ntĭm nti ƀa ƀơ. Ngoai tâm ăp nau rđau bah n’gor tâm nau nchrăp năm nti mhe lah mô ân geh nau sŏk âk prăk ndrel ƀư jêr ân me mbŏ kon se tâm bôk năm nti mhe. Năm nti mhe 2024-2025, n’gor Kon Tum geh bơi tât 350 ngih săm ƀŭt mầm non, phổ thông đah rnoh rlau 160 rbăn kon se. Năm nti aơ, ntŭk kan ntĭm nti n’gor nsôih rgum lam kon se tâm di năm hăn nti; rgum ăp kon se lôch nti jrâu 5 lŏ nti jrâu 6, 100% kon se nti jrâu 1-5 nti lôch du nar.

Tât năm nti mhe, HĐND n’gor Kon Tum geh nau ntrŭnh rnoh prăk sŏk bah kon se mầm non, ntĭm nti phổ thông ndâk năm nti 2024-2025. Tĭng nê, rnoh prăk tâm n’gor geh pă jêng nkuăl I, II ndrel III. Prăk dêh ngăn geh ân kon se Trung học Cơ sở tâm nkuăl III đah 19 rbăn prăk/kon se/khay, âk ngăn lah kon se nti mầm non ndrel Trung học Phổ thống tâm nkuăl I, đah 52 rbăn/kon se/khay./.