Ta năp nău joi, mpôn si ntŭng, ŭnh sa bri geh na nao bah bôk khay 3 tât aƀaơ, UBND n’gor Kon Tum nar 17/3 lĕ đă ăp nău kan, ƀon lan n’hao trong kan mât uănh, mât njrăng bri n’hanh njrăng n’gang ŭnh sa bri. Tĭng nĕ, UBND n’gor Kon Tum đă N’gâng kan tuch tăm mât rong n’hanh hun hao thôn ƀon ndâk njêng ăp Rmôt pah kan hăn na nê̆ uănh nđôi trong kan mât uănh, njrăng n’gang bri, njrăng n’gang ŭnh sa bri ta ăp ntŭk, ngăn lah đah ăp ntŭk khlay, dơh geh ŭnh sa; ơm nkra, nkah ntĭnh, ntrŭt đă, ntĭm ăp ntŭk kan, ƀon lan ƀư tĭng rjăp trong kan mât uănh, njrăng n’gang ŭnh sa, puh nset ŭnh.

Đah Kruanh UBND ăp nkuăl, nkual têh, ăp ntŭk tơm bri n’hanh ăp n’gâng kan nău kan geh tât ƀư tĭng rjăp trong kan mât uănh, njrăng n’gang bri n’hanh njrăng ŭnh sa bri; pă rmôt kâp njrăng ŭnh sa bri tĭng di nău ntrŭnh n’hao uănh nđôi ta ăp nkual bri geh ŭnh sa âk, ơm saơ n’hanh mkra ŭnh sa ntơm bôk năp.