Kro phang, duh nar jŏ jong aƀaơ dôl ƀư an âk ntôr bri ta n’gor Kon Tum tâm rdâng đah nău mbra geh ŭnh sa dŭt âk. Ta n’gor lĕ geh du đê̆ rơh ŭnh sa bri ƀư 2 hê nuĭh khĭt. Aƀaơ, nuĭh ƀon lan, nuĭh tơm bri, mpôl kan têh ta Kon Tum dôl nsrôih njrăng rdâng ŭnh sa bri.

Nău mbơh bâh ntŭk kan kiểm lâm n’gor Kon Tum an saơ aƀaơ lĕ geh 8/10 nkuăl, nkuăl ƀon têh bâh n’gor geh tâm rnoh mbơh njrăng mbra geh ŭnh sa bri gâl 5, gâl dŭt mât njrăng. Ta ăp nkuăl mpeh nhâp nar bâh n’gor kơt lah: Ia H’Drai, Sa Thầy, Đăk Tô, Ngọc Hồi, geh bơi tât 230 rbăn ha bri mbra geh ŭnh sa ta ntŭk, UBND n’gor lĕ ƀư lôch ăp nău ntrŭnh gay ma njêng nău tâm ban tâm nău kan njrăng ŭnh sa bri. Ta năp nău tât jêr njrăng, yan kro phang hôm nha dơi ntoch jong đŏng mbra geh ŭnh sa bri âk, nuĭh ƀon lan, nuĭh tơm bri, mpôl kan têh n’hanh n’gâng kan ăp gâl ta n’gor Kon Tum dôl nsrôih njrăng rdâng ŭnh sa bri.