Đah nău ŭch dơn ngăch tay nu nău gay joi trong dôh rklaih an doanh nghiệp, kêng măng 9/8, kruanh n’gor Kon Tum lĕ geh nar pah kan đah ntoh măt âk doanh nghiệp dôl ƀư nkra njêng, tăch rgâl ta lam n’gor. Ta nar pah kan, kruanh n’gor Kon Tum ndrel ăp n’gâng kan, nău kan dơi kan lĕ wơt dơn âk nău mbơh geh tât  jêr jŏt, wăk kol an mkra bah nuĭh tơm rlău 10 doanh nghiệp, dŭt âk tâm ntil nău ntuh kơl ndâk ƀư ngih măy thủy điện n’hanh khoáng sản.

Wa Nguyễn Ngọc Sâm, Groi kruanh UBND n’gor Kon Tum lĕ ơh, rblang dâl đah tĭng nău, wăk kol na nê̆. Đah ăp nkô̆ nău dăn đă mô hŏ dơi mkra ta ntŭk, Groi Kruanh UBND n’gor Kon Tum Nguyễn Ngọc Sâm jao ăp n’gâng kan, nău kan n’hanh du đêt nkuăl, nkual ƀon têh rgum ntop kơl doanh nghiệp mpeh trong ƀư, sam ƀŭt sam tra gay dôh rklaih jêr jŏt, wăk kol n’hanh geh nar na nê̆ ơh an doanh nghiệp./.