VOV4.M’nông: Kêng măng 10/10, ta nkuăl ƀon têh Kon Tum, N’gâng kan Nkoch mbơh nau bah n’gor Kon Tum ƀư tâm nchră, mâp măt di nkah 70 năm nar vay ơm ntŭk kan xuất bản, in ndrel dŏng ndrôm săm ƀŭt Việt Nam (10/10/1952-10/10/2022). Rnôk aơ geh nklăp 100 ntŭk geh dơi pă săm ƀŭt kơp dơn ân nau kan in, xuất bản, leo dŏng, ntŭk nkra săm ƀŭt đăp mpăn pă ăp ntil săm ƀŭt, báo, nau nchih nkoch kơl an nau kan ntĭm nti ndrel răk bah ƀon lan.

N’gor Kon Tum kŏ ân ƀư nau rgum hun hao nau kan báo chí, xuất bản, in ndrel pă dŏng săm ƀŭt tât năm 2025, rƀŏng tât năm 2030. Tâm nar tâm nchră, mâp măt ntoh măt bah du đê̆ ntŭk kan xuất bản, in ndrel pă dŏng săm ƀŭt bah n’gor Kon Tum hŏ geh âk nau rgop ueh, leo luh nau kan gay ma mât đăp mpăn nau dŏng đah nau kan chính trị ndrel nau geh dơi bah nau kan tăch rgâl, bonh đă, ƀư hun hao nau vay răk săm ƀŭt tâm ƀon lan./.

VOV/Nŭih rblang: H’Thi