Na nê̆ UBND nkuăl Kon Plông, n’gor Kon Tum ntrŭnh săm ƀŭt mbơh đă ăp nuĭh kan ta rnâng kan leo kan njrăng rdâng phŭt sial, joi vơt nuĭh rmanh n’hanh njrăng mât ƀon lan nkuăl tĭng nău pă kan ta ntŭk mât kan, ngăch ndăn jur ta ntŭk kan ba dâng gĭt na nê̆ nău kan, uănh năl nău khuch khat mpeh drăp ndơ, ngih jay, ntŭk kan ngih dak, ăp ntŭk kan gay ma geh trong ndâk nkra ngăch nău khuch khat bâh rơh n’gơ neh ƀư, tâm rgop đah Ủy ban nhân dân ăp xã, nkuăl têh mbơh ƀư âk trong kan tâm rdâng đah n’gơ neh, gĭt na nê̆ nău mĭn, n’hao mpư nuih n’hâm ƀon lan an đăp mpăn pah kan jan sa, đăp mpăn nău rêh jêng. Ăp ntŭk kan, n’gâng kan bâh UBND nkuăl n’hanh UBND ăp xã, nkuăl têh Măng Đen geh nău dơn kan rgum lĕ rngôch, mbơh tơih ngăch nău khuch khat, njoăl an ntŭk kan tuch tăm n’hanh hun hao ƀon lan, an geh uănh nđôi tay, uănh năl na nê̆ mpeh nău khuch khat, ndơ dŏng n’hanh dăn đă kơl prăk ndâk nsơm njoăl sĭt an UBND nkuăl gay ma uănh n’hêl kơl prăk ndâk nsơm nău tât.