Rnâng kan Ban Bí thư Lương Cường mhe ƀư tơm nar pah kan đah Nkual ƀon têh Hồ Chí Minh mpeh nău nchrăp nkah gĭt 50 năm Nar rklaih đăp mpăn miền Nam, kơp dơn ngoăy neh dak. Tĭng nău mbơh, năm bah năp, Nkual ƀon têh Hồ Chí Minh lĕ rgum tâm bôk nău nkoch trêng bah Ƀư nkah gĭt “Lơh dăng têh yan puh năm 1975-Soan dăng tâm rnglăp lam rnoi nuĭh, nău ŭch đăp mpăn rnoi nuĭh n’hanh nuih n’hâm kơp dơn ngoăy neh dak”.

Ntoh ngơi ta nar pah kan, Kruanh Ban Tuyên giáo Trung ương Nguyễn Trọng Nghĩa đă, mât uănh nchrŏng trong ntĭm rđău bah Bộ Chính trị, Ban Bí thư, Ban ntĭm rđău Trung ương n’hanh ntĭm bah Ban Tuyên giáo Trung ương mpeh nkoch trêng nkah gĭt ăp nar lễ têh n’hanh nău ƀư khlay bah neh dak tâm 3 năm 2023-2025 đăp mpăn di trong nchrŏng chính trị, nău mĭn. Nkual ƀon têh Hồ Chí Minh an lôch jêh bôk nău rgop tâm nchră lĕ rngôch ăp nău ƀư nkah gĭt tâm khay 8 aơ.