Nar ntri (24/2), Ủy viên Bộ Chính trị, Kruanh Ban Nội chính Trung ương Phan Đình Trạc hŏ râng n'hanh rđău đă Tâm nchră n'glôch jêh 10 năm tĭng ƀư Nghị quyết Trung ương 8, khóa XI mpeh "Mât njrăng neh dak tâm nô nău mhe " ta n'gor Cao Bằng.

Ta tâm nchră, Ủy viên Bộ Chính trị, Kruanh Ban Nội chính Trung ương Phan Đình Trạc rnê ăp nău dơi hŏ geh bah Cao Bằng tâm trong an ƀư Nghị quyết Trung ương 8 (khóa XI) tâm bah ri aơ; nkre dăn đă Cao Bằng mbơh gĭt jru hvi tay, n'hao nuih n'hâm dơn kan,  njêng nău tâm ban tâm lĕ ma nău gĭt êng n'hanh dâk kan bah cán bộ, đảng viên, công chức, viên chức, ƀon lan, cán bộ tahen công an mpeh tĭng ƀư mât njrăng neh dak tâm nô nău mhe. Wa Phan Đình Trạc lah rjăp: Ntrŏng năl kloh nău mât njrăng neh dak lah nău dơn kan khlay, way ƀư mbro bah lam Đảng, lam ƀon lan n'hanh lam tahen, Cao Bằng ân kan nsum lhăt đah hun hao wăng sa- rêh jêng kon nuĭh, tâm boh dak bah dih nkre đah mât njrăng neh dak rnă njrăng.