Ôi ntri (7/8) ta Hà Nội, Ủy viên Bộ Chính trị, Bí thư Trung ương Đảng, Kruanh Ban Tuyên giáo Trung ương Nguyễn Trọng Nghĩa wơt Đại sứ đặc mệnh toàn quyền Hoa Kỳ ta Việt Nam Marc Knapper. Ta rơh wơt wa Nguyễn Trọng Nghĩa n’hanh Đại sứ Hoa Kỳ ta Việt Nam tâm ban ŭch năm 2025 lah năm geh nkô̆ dŭt khlay, ntơm nkah ndray 50 năm Việt Nam dơn ngoăy neh dak, 30 năm Việt Nam - Hoa Kỳ plơ̆ tâm boh tay kơt ơm, lah rnôk gay bar dak ndrel nchih nkah ăp njuat hăn jong, bah tâng jru kăl e tât aƀaơ n’hanh rƀŏng let năp tay.

Bar ding lah rjăp tâm boh uĕh lăng đah bar dak lah ntoh bah nău ŭch rŏng tâm di ƀon lan bar dak, lah nău jêng ngăn ngăn trong uănh jong, nău ŭch tât n’hanh nău nsrôih bah ăp kruanh rđău kan lĕ bar dak, tâm kăl e tâm ban kơt aƀaơ đŏng. Ăp nău tâm boh Việt Nam - Hoa Kỳ mbra lah du suan ntrôl an nău têh hao n’hanh rnă njrăng ta ngoăy tâm ăp nkual dŭt khlay lam ntŭr neh, yor bah tâm lơh tâm su, đăp mpăn, tâm boh n’hanh hun hao jŏ jong.