Ta rơh rƀŭn nchră, Hội đồng lĕ tâm nchră n’hanh an tâm rgop mpeh ăp nău dơi geh ta ăp trong kan, ngăn lah rnă njrăng ngih dak, rnă njrăng đap mpăn, nchră nău đah dak bah dih tâm ba năp nơh, mơh rblang, uănh năl nău ta lam ntur neh, nkual n’hanh ăp nău tât, nău khuch đah Việt Nam, dă đă nkô̆ nău bôk nău kan, nău kan ta năm 2024.

Mpeh nkô̆ nău khlăy, geh nău kan tơm tât nău rnă njrăng ngih dak, rnă njrăng đăp mpăn, nchră nău đah dak bah dih, bâh nău kan nĕ mbơh ôp nău, tâm rgop nău đah n’gâng kan chính trị, quốc hội, chính phủ. Ndơn kan an Hội đồng, kruanh dak Võ Văn Thưởng đă, tâm let năp tay, ăp mpôl kan, ntŭk kan têh geh tât an geh uănh tĭng, groi nđôi, leo kan gĭt vât, mĭn uănh, mbơh rblang, uănh năl, nchroh mbơh nău ta lam ntur neh, ta nkual, tâm dak, bâh nĕ ngăch mbơh đah ntŭk kan Đảng, ngih dak ăp nău ntrŭnh trong rmal, uănh khlăy mât nău mĭn trong kan bâh Đảng, rdâng đah ăp mpôl rlăng, an geh n’hao tay nău way ơm, soan dăng tâm rnglăp lĕ mpôl rnoi tâm nău kan rdâk njêng n’hanh mât ngih dak.