Kêng măng 21/12, Kruanh dak Nguyễn Xuân Phúc ndrel rmôt kan gưl prêh Việt Nam hŏ tât tach ndeh mpar Soekarno Hatta, Jakarta, ntơm hăn khâl gưl kan ngih dak Indonesia. Tĭng rơh khâl, jêh rnôk vơt gưl kan Ngih dak yor Tổng thống Indonesia ƀư tơm, Kruanh dak Nguyễn Xuân Phúc tâm nchră đah Tổng thống Joko Widodo, râng nau pă ăp nau ntrŭnh tâm boh đah 2 dak, vơt năch thai sông sa tĭng gưl Ngih dak yor Tổng thống Joko Widodo ƀư tơm.

Kruanh dak kŏ tâm nchră đah Kruanh rmôt kan ntoh măt ƀon lan Indonesia, tâm nchră ma Kruanh Hội đồng ntoh măt bah n’gor Indonesia. Kruanh dak kŏ dŏng nar gay ma mâp, nkoch bri đah cán bộ, nŭih kan bah ntŭk kan ntoh măt Việt Nam ta Indonesia, rmôt kan Việt Nam ta ASEAN ndrel ntoh măt nsum mpôl Việt Nam ta Indonesia. Rơh khâl nkah tât nhoat tâm boh bar ding, leo nau tâm boh kan nsum Việt Nam-Indonesia nar lơn lăp tâm nau jru, ngăn ndrel săk tam, kơl an ueh ngăn ân nau ŭch bah 2 dak./.