VOV4.M'nông: Kêng măng 12/8, ta Hà Nội, Bộ Công an ƀư ndơ̆ si ƀŭt n'glêh an bah Kruanh dak an sỹ quan hăn mât đăp mpăn Liên Hợp quốc n'hanh n'glêh an njêng văn phòng rnâng kan Bộ Công an mpeh mât đăp mpăn Liên hợp quốc. Tĭng ƀư trong nchrăp ntrôl dăng lăp rgum lam ntŭr neh n'hanh tâm boh dak bah dih mpeh rnă njrăng neh dak tâm trong kan mât đăp mpăn, nar 15/6/2021, Bộ trưởng Bộ Công an ký si ƀŭt n'glêh an njêng Văn phòng Rnâng kan Bộ Công an mpeh mât đăp mpăn Liên Hợp quốc. Lôch rnôk njêng, Văn phòng hŏ kan nsum đah Liên Hợp quốc leo ƀư an 23 sĩ quan râng tiăr nti, đăng ký hăn ƀư mât đăp mpăn Liên Hợp quốc. Tât aƀaơ, Bộ Công an hŏ geh 8 sĩ quan dơi Liên Hợp quốc uănh năl di ăp rnoh mpeh râng mpôl đăp mpăn. Lah ta rơh lễ, Kruanh dak Nguyễn Xuân Phúc lah kloh, nău đă mpôl hăn râng mât đăp mpăn Liên hợp quốc lah du nău kan khlay, rgop tĭng ƀư ăp nău ton, nău dơn kan bah Ngih dak Việt Nam đah băl mpôl lam ntŭr neh mpeh mât njrăng bah tâm lơh tâm su lam ntŭr neh. Nkhêp geh rnôk dja, Kruanh dak Nguyễn Xuân Phúc hŏ n'glêh an si ƀŭt bah Kruanh dak an Trung tá Nguyễn Ngọc Hải pah kan ta Nhih pah kan Liên hợp quốc n'hanh an kao si mbah rhơn 3 nuĭh hăn pah kan ta Nam Sudan./.  

Nuĭh rblang: Điểu Thân