Ôi lơ 22/12, ta Dinh tổng thống ta nkuăl ƀon têh Bogor, n’gor Tây Java, Tổng thống Joko Widodo leo rơh lễ vớt gâl ngih dak kruanh dak Nguyễn Xuân Phúc. Lôch rơh vơt geh ƀư ueh, kruanh dak Nguyễn Xuân Phúc tâm nchră đah Tổng thống Indonesia Joko Widodo.

Ta rơh tâm nchră, kruanh dak Nguyễn Xuân Phúc lah na nê̆ Việt Nam ton kơl an Indonesia mât dơn lôch ueh nău kan kruanh ASEAN năm 2023 n’hanh Indonesia tâm ban ŭch kơl an Việt Nam ƀư lôch nău kan lah dak kan ndrel bâh Hội đồng nhân dân LHQ năm kan 2023-2025. Bar hê nuĭh leo kan tâm ban ŭch an geh doh jăng ăp nău kŏ jêr mpeh tăch rgâl gay ma dơi geh nkô̆ mpŏng rnoh prăk tăch rgâl bar ding rlău 15 rmen đôlar ta năp năm 2028 tâm ban kơt n’hao nău tâm kơl mpeh ŭnh nar njêng tay, trong điện ueh mhe n’hanh nău pah kan ƀư pil an ndeh ô tô điện. Bar hê nuĭh leo kan lĕ mbơh na nê̆ nău bar dak lĕ lôch 12 năm mât đăp mpăn tâm nchră mpeh trong pă ntăm n’gâng n’har bri đah nkual wăng sa n’hanh tâm ban ŭch geh mât tay nău mĭn kan bâh ASEAN mpeh nău ta dak lêng biển Đông.