VOV4.M'nông: Kêng măng 17/8, ta Nhih pah kan kruanh dak, Kruanh dak Nguyễn Xuân Phúc wơt Thủ tướng ơm Israel, wa Ehud Barak dôl geh hăn khâl n'hanh pah kan ta Việt Nam. Kruanh dak Nguyễn Xuân Phúc rhơn rnê wa Ehud Barak n'hanh i ur khâl Việt Nam n'hanh an gĭt, Việt Nam ŭch rŏng tâm boh đah Israel tâm ăp trong kan dak dja săk geh âk kơt rgâl mhe nău gĭt blău, khoa học công nghệ, ŭnh nar sĭt jêng tay. Let năp tay, Kruanh dak dăn đă bar ding way mât trong tâm khâl gưl têh, tâm kơl nsum ta ăp rgum nchră dak bah dih. Kruanh dak ŭch rŏng, đah nău ring tam bah he, Thủ tướng ơm Israel rgop ntrŭt ntrôl tay tâm boh tâm rnglăp uĕh lăng đah bar dak, lơn lah tâm pă nău tă ơm gĭt kan tâm trong rdâk njêng trong ntop kơl ntơm njêng nău kan, ntrŭt ntrôl hun hao khoa học công nghệ, rgâl mhe nău gĭt blău, ntĭm nti ăp rơh kơn mom ndăm gĭt blău./.

Nuĭh rblang: Điểu Thân