Măng 13/3, ta Nkual nkah ndray tahen Gạc Ma ta xã Cam Hải Đông, nkuâl Cam Lâm, n'gor Khánh Hòa, Kruanh dak ơm Trương Tấn Sang râng nkah ndray 35 năm nar 64 cán bộ, tahen dak lêng ƀon lan Việt Nam khĭt tâm lơh ta gôl dak Gạc Ma, ndru gôl dak Trường Sa.

Râng nkah ndray, ăp nuĭh râng hăn uănh nkual bảo tàng, nkre ŭnh jrêng, ndrel nkah tay nar 35 năm bah năp nơh- Rơh tâm lơh ôi rŭ nar 14/3/1988 ta Gạc Ma hŏ lăp tâm lịch sử rnoi nuĭh lah du nău têl nkah jru mô dơi roh bah ăp rnoi nuĭh ƀon lan dak Việt. Ta rơh nkah ndray, ăp đại biểu mpoh nhang, an kao si ta nkah rup n'hanh nkual môch sial nkah gĭt 64 tahen dăng janh, hŏ khĭt tâm lơh ta Gạc Ma. Tâm bôk nău kan njroh mprơ ta nar nkah ndray, Ban Tổ chức hŏ kan nsum đah ăp đơn vị pă nklâm ndơ rnăk wâl tahen ơm khĭt, pă an học bổng kơl kon se nti n'hanh pă an cờ Tổ quốc an nuĭh ƀon lan lơh joi ka.