Tâm rnôk hăn khâl gưl ngih dak tât Indonesia, Kruanh dak Nguyễn Xuân Phúc hŏ geh rơh ôp srĭng nău đah Kruanh Quốc hội Indonesia, wa bu ur Puan Maharani.

Kruanh dak Nguyễn Xuân Phúc mbah rhơn Quốc hội Indonesia hŏ ƀư geh nău dơi tâm nchră Nghị viện G20 (P20), rgop kơl Indonesia ƀư lôch jêh uĕh nău kan Kruanh G20 năm 2022; lah rjăp Việt Nam mbra nsrôih kơl Indonesia dơn mât geh nău dơi ƀư Kruanh ASEAN tâm ban kơt Kruanh Đại Hội đồng Liên nghị viện ăp dak Đông Nam Á (AIPA) tâl 44 năm 2023; Kruanh Quốc hội Indonesia tâm ban ŭch n'hao dăng tâm ôp nău tă ơm gĭt kan gay rdâk njêng pháp luật n'hanh kan nsum groi nđôi ăp nău tâm ton đah bar dak gay n'hao nău khlay kan bah nhih pah kan njêng pháp luật bar dak. Bar ding lah rjăp n'hao dăng tâm boh lhăt ta ăp rơh rgum nchră nghị viện âk ding êng ƀa ƀă kơt Liên minh nghị viện lam ntŭr neh (IPU), Rgum nchră nghị viện Châu Á-Thái Bình Dương (APPF), nkre tâm tĭng n'grŏ nău mĭn nsum mpeh ăp nkô̆ nău tâm nkual n'hanh lam ntŭr neh ndrel uănh khlay.

VOV/Nuĭh rblang: Điểu Thân