Kêng măng 19/12, ta Hà Nội, Quân chủng Phòng không-Không quân khuh n'gôr ƀư Mâp măt nkah ndray 50 năm lơh dơi “Hà Nội - Điện Biên Phủ kalơ trôk" n'hanh wơt Kruanh dak hăn khâl, pah kan ta Quân chủng di tâm rnôk nkah ndray 78 năm Nar njêng Tahen ƀon lan Việt Nam n'hanh 33 năm Nar rgum lam ƀon lan njrăng n'gang neh dak. Lah ta rơh mâp măt, Kruanh dak Nguyễn Xuân Phúc lah nkoch, lơh dơi Hà Nội-Điện Biên Phủ kalơ trôk mpơl gung trong chính trị, tahen di bah Đảng he, tahen he, lah nău dơi bah suan dăng chính trị, nuih n'hâm bah lam rnoi nuĭh Việt Nam; lah nău rôih dăng nănh lơh, gĭt lơh n'hanh lơh dơi mpôl rlăng Mỹ lăp pit in. Ntơm bah nău dơi dja, Kruanh dak Nguyễn Xuân Phúc an lah, geh âk nău tă ơm gĭt nti khlay ân dơi dŏng blău mhe tâm n'gâng kan rdâk njêng n'hanh mât njrăng neh dak aƀaơ.

Mpư rnê ăp nău dơi ngăch prăl bah Quân chủng Phòng không-Không quân  bơi 60 năm aơ, Kruanh dak nkoch ăp ntul rlong tâm rơh rdâk njêng n'hanh mât njrăng neh dak aƀaơ, nkre đă Quân chủng ân mât uĕh nău way ơm dăng janh, uănh khlay rdâk njêng mpôl tahen dăng ngăn lĕ ma kon nuĭh n'hanh ndrak nsiu, rvăt năp, sŏk rdâk njêng kon nuĭh lah rgum tơm- ndơ n'glêh an jêng tât geh nău dơi mât njrăng neh dak.

VOV/Nuĭh rblang: Điểu Thân