Tâm bôk nău kan râng Pơh lễ gưl têh rgum nchră tâm boh wăng sa châu Á-Thái Bình Dương (APEC) 2023 n’hanh nkre đah nău kan bar ding ta Hoa Kỳ, ôi aơ (16/11), tĭng mông Việt Nam, ta nkual ƀon têh San Francisco, Kruanh dak Võ Văn Thưởng hŏ râng tâm ôp trong kơl ta Hội đồng tâm boh dak bah dih Hoa Kỳ.

Lah ta rơh tâm ôp, Kruanh dak Võ Văn Thưởng rnê âk Hội đồng tâm boh dak bah dih Hoa Kỳ geh ăp nău kan tâm boh dak bah dih âk năm aơ đah Việt Nam, rgop âk tâm nău tâm gĭt wât nsum đah bar rnoi nuĭh n’hanh hun hao tâm boh đah bar dak. Kruanh dak ŭch rŏng dơn geh nău ntop kơl khlay bah ăp băl tâm boh Hoa Kỳ đah rnôk hun hao n’hanh lăp rgum dak bah dih bah Việt Nam. Mpeh tâm boh Việt Nam - Hoa Kỳ, Kruanh dak nkah tay ăp njăr trong hăn rdjuh thăng tâm boh bar dak an tât rnôk plơ̆ uĕh tay kơt ơm tâm boh tâm năm 1995, lơn lah lôch rnôk ntrŏng năl tâm boh têh jong lam lĕ rngôch tâm năm 2013, tâm boh bar dak hŏ hun hao dăng, jru hvi, ngăn ngăn, geh nău tam n’hanh rlău nău mpŏng geh bah âk nuĭh./.