Phường Cửa Đông geh rlău 2 rbăn rnăk ƀon lan đah rlău 10 rbăn nuĭh kan, geh 7 tổ dân phố. Phường geh rnoh ƀon lan gŭ rêh âk. Lam phường geh rlău 400 ntŭk kan, doanh nghiệp, ntŭk kan tahen n’hanh ntŭk kan tăch rgâl pah kan. Nău aơ lĕ geh mbơh ăp nău  ntul rlong an ntŭk kan mât uănh mpeh nău mât đăp mpăn rnă njrăng, đăp mpăn nău rêh jêng ta lam phường.

Ăp năm ba năp, rnâng kan ntĭm leo rdâk njêng nău kan lĕ ƀon lan mât rnă njrăng đăp mpăn ngih dak phường an geh mbơh tơih tay nău kan, bôk nău kan bâh nău kan lĕ ƀon lan mât đăp mpăn rnă njrăng ngih dak kơt: câu lạc bộ njrăng, rdâng nuĭh tih; bôk nău kan: “Rnăk vâl mât njrăng, rnoh jay mât êng”...rgum mpôl tahen  pah kan tât râng njrăng rdâng, ban saơ nuĭh tih, mbơh tơih nuĭh tih, ntop mât đăp mpăn n’huch bah geh nuĭh tih, mât đăp mpăn rnă njrăng chính trị n’hanh mât đăp mpăn nău rêh jêng. Ntoh ngơi ta rơh tâm mâp, kruanh dak Tô Lâm đă ăp gâl ủy n’gâng kan ăp gâl bâh nkuăl ƀon têh Hà Nội an geh mât uănh, ƀư tĭng răng dăng, geh săk rnglăy ăp nău ntrŭnh, ntĭm đă mpeh rdâk njêng nău kan lĕ ƀon lan mât đăp mpăn rnă njrăng ngih dak n’hanh leo ƀư “Nar tâm mâp lĕ ƀon lan mât đăp mpăn ngih dak”, an geh hăn ndrel đah mât nău kan lĕ ƀon lan mât đăp mpăn rnă njrăng ngih dak đah nău kan tâm rlong yor Đảng,Ngih dak, ăp ntŭk kan, n’gâng kan, Mặt trận Tổ quốc n’hanh ntŭk kan, n’gâng kan leo rơh rgŏ jă, njêng nău ueh mhe tâm rgop ueh n’hanh trĕ lam têh hvi tâm ntŭk rêh jêng ƀon lan.