Bar hê nuĭh leo kan mpơl nău ŭch mpeh ăp njoat hăn kan dŭt kahgĭt bâh nău tâm boh kan 2 dak. Tâm mbơh mpeh trong tâm kơl kan têh tâm let năp tay, bar ding tâm ban ŭch n’hao tâm kơl kan, tâm mâp gâl têh n’hanh ăp gâl kan, mbơh tơih an geh săk rnglăy nău tâm ton rpaih mpeh tâm kơl kan wăng sa n’hanh kỹ thuật, ntrôl ơm ƀư leo rơh rƀŭn nchră bôk năp bâh Ủy ban nsum mpeh Việt Nam- Timor Leste gâl kruanh n’gâng kan nchră nău đah dak bah dih, mĭn uănh, mpŏng tât njêng ăp nău kan bar ding mhe, tâm di đah nău ŭch tâm kơl kan đah 2 dak.

Kruanh dak lah na nê̆ Việt Nam mbra mbơh pă tay phe, ntop kơl an Timor Leste mât đăp mpăn tŏng ndơ sông sa, đă 2 ding an geh lăp kan ndrel mô lah ký nău kahgĭt mpeh mpeh tăch rgâl phe, đă Timor Leste n’hao rvăt nglăp ăp ntil ndơ ueh nâp bâh Việt Nam kơt tanh cheh, jep jơi, ndơ ngêt sông, ndơ dak toh, ndơ nkret ƀư, tui ka, ndơ tuch tăm.