Ta rơh vơt, êng kruanh n’gâng kan nchră nău đah dak bah dih Blinken mpơl nău rngot klâng đah nău khĭt bâh du hê nuĭh leo kan dŭt blău n’hanh ryơk rnê ăp nău kan bâh Tổng Bí thư tâm nău ndâk nsơm n’hanh ƀư ueh nău tâm boh kan ndrel Việt Nam- Hoa Kỳ n’hanh nău tâm rnglăp đah ƀon lan 2 dak. Kruanh dak lah ueh kruanh n’gâng kan nchră nău đah dak bah dih Blinken lĕ tât khâl Việt Nam gay ma râng nău rngot klâng đah rnăk vâl Tổng Bí thư tâm rnôk geh nău rngot aơ. Kruanh n’gâng kan nchră nău đah dak bah dih Hoa Kỳ uănh khlăy nău tâm boh kan ndrel lĕ rngôch đah Việt Nam n’hanh ŭch 2 ding tâm kơl na nê̆ tay lơn  ƀư ueh tay lơn nău tâm boh kan 2 ding, nkre lah knơm an lah 2 ding mbra n’hao tay lơn nău tâm rnglăp kan Việt Nam - Hoa Kỳ ăp nar lơ ma hun hao, tâm rnglăp đah ƀon lan 2 dak ăp nar lơ ma hao tĭng di đah nău ŭch bâh Tổng Bí thư Nguyễn Phú Trọng.